Өскеменде 3-22 қазан аралығында дератизацияның үшінші кезеңі басталады
Өскеменде 3-22 қазан аралығында контейнер алаңдары мен оған іргелес аумақтарда дератизацияның үшінші кезеңі жүргізіледі. Бұған дейін екі кезең аяқталған болатын…
Өскеменде ағымдағы жылдың 3-22 қазан аралығында дератизацияның үшінші кезеңі өткізіледі. Мердігер ұйымға контейнер алаңдары мен оған іргелес аумақтарда жеті күн аралықпен үш рет дәйекті түрде жемді жаю тапсырылды.
Облыс орталығы әкімдігінің мәліметінше, бұған дейін кеміргіштерге қарсы кәсіби өңдеудің екі кезеңі өткізілген. Бірінші кезең наурыз-сәуір айларында өтті, оның барысында мердігер контейнер алаңдарын үш рет өңдеді. Дератизацияның екінші жоспарлы кезеңі 2026 жылдың қыркүйек-қазан айларына жоспарланған болатын, бірақ азаматтардың өтініштеріне байланысты жұмыстар мерзімінен бұрын – 28 тамыздан басталды. Бұл кезең аясында да жеті күн аралықпен родентицидтік жемді үш рет жаю қарастырылды. Жұмыстар қажетті тиімділік көрсеткішіне жеткенге дейін жалғасады.
Дератизацияға жауапкершілік
Кеміргіштермен күресудің тиімділігі контейнер алаңдары мен оған іргелес аумақтарды өңдеуге ғана емес, сонымен қатар көпқабатты тұрғын үйлердің жертөле және техникалық үй-жайларында дератизация жүргізуге де байланысты. Бұл үй-жайлар меншік иелерінің ортақ мүлкі болғандықтан, олардың тиісті санитарлық жағдайына, сондай-ақ кеміргіштердің енуі мен таралуын болдырмау шараларын қабылдауға жауапкершілік кондоминиум объектісін басқару органына немесе үйді күтіп ұстауға жауапты тұлғаға жүктеледі. Тұрақты нәтижеге қол жеткізу үшін басқарушы компаниялар, КСК, ОСИ және НСУ кешенді дератизация жүргізуге, сондай-ала кеміргіштердің енуі мен жасырынуы мүмкін жерлерін жоюға міндетті.
Мамандар Өскемендегі бес қоқыс алаңының төртеуінде егеуқұйрықтардың бар екенін анықтады. Бұл 529 объектінің 80%-ы кеміргіштермен белсенді түрде қоныстанған дегенді білдіреді.