Алматыда кене энцефалитінің жағдайлары тіркелді
Алматыда кене энцефалитінің екі жағдайы тіркелді, екі науқас та екпе алмаған. Алматыда кене энцефалитінің екі жағдайы тіркелді. Екі науқас та екпе алмаған, жұқтыру Алматы
Алматыда кене энцефалитінің екі жағдайы тіркелді. Екі науқас та екпе алмаған, жұқтыру Алматы облысы аумағында кене шаққаннан кейін болған. Қаланың санитариялық-эпидемиологиялық бақылау департаментінің мәліметінше, 18 мамырдағы жағдай бойынша науқастар емделуін жалғастыруда.
1 наурыздан бері Алматының медициналық мекемелеріне кене шаққаннан кейін 2023 адам жүгінді — бұл өткен жылдың сол кезеңімен салыстырғанда 11%-ға көп. Зардап шеккендердің шамамен 45%-ы — 14 жасқа дейінгі балалар.
Биылғы өтініштердің жалпы саны көпжылдық орташа көрсеткіштен аспайды. Кейбір жылдары климаттық факторларға — ерте көктемге, кенеттен жылынуға және кене белсенділігінің артуына байланысты маусымдық өсу байқалуы мүмкін. Алматыда шұғыл медициналық көмекті бес травмпункт көрсетеді:
- Орталық қалалық клиникалық аурухана;
- №4 қалалық клиникалық аурухана;
- №7 қалалық клиникалық аурухана;
- Қалалық жедел жәрдем ауруханасы;
- Балаларға шұғыл медициналық көмек көрсету орталығы.
Ведомствода кене шаққанда мүмкіндігінше тез, бірақ шаққаннан кейін төрт күннен кешіктірмей медициналық көмекке жүгіну керектігін еске салды.