Өскеменде кене энцефалитінің жағдайы тіркелген
Өскеменде кене энцефалитінің жағдайы тіркелген, ШҚО-да 2 мыңнан астам адам кенелердің шағуынан зардап шеккен
Өскеменде кене энцефалитінің жағдайы тіркелген. Бұл туралы ШҚО ДСЭК бастығының міндетін атқарушы Сауле Слямгазина хабарлады. Жалпы алғанда Шығыс Қазақстан облысында кенелердің шағуынан 2 мыңнан астам адам зардап шеккен. Облыста кенелердің шағуына байланысты медициналық көмекке 2155 өтініш тіркелген. Олардың ішінде 609 адам, яғни 28,2 пайыз — 14 жасқа дейінгі балалар мен жасөспірімдер. Оның салыстырмалы түрде өткен жылдың осы уақытымен салыстырғанда өтініштер саны 632 жағдайға азайған. ШҚО ДСЭК мәліметтері бойынша, кенелердің шағуынан зардап шеккендердің 93,8 пайызы серопрофилактикамен қамтылған, қалған 6,2 пайызы (134 адам) эндемиялық аймақта емес, кешігіп медициналық көмекке жүгінген, иммуноглобулин алудан бас тартқан адамдар. Жалпы аймақта бұл кезеңде Өскеменде кене энцефалитінің бір лабораториялық дәлелденген жағдайы, сондай-ақ Зайсан ауданында Лайм ауруының екі жағдайы тіркелген.