13 мыңнан астам қазақстандық кене шағудан кейін көмекке жүгінді

Қазақстанда кене белсенділігі маусымы басталғалы бері 13 мыңнан астам адам кене шағудан кейін медициналық көмекке жүгінді. Шығыс Қазақстан облысында, еліміздің басқа да эндемиялық аймақтарындағы сияқты, медициналық ұйымдар жоғары дайындық режиміне көшірілді. Қазақстан Республикасы Денсаулық сақтау министрлігі табиғи ошақты инфекциялар қаупін азайту үшін кешенді профилактикалық іс-шаралар жүргізуде.

Профилактикалық шаралар және статистика

Санитарлық-эпидемиологиялық бақылау комитетінің деректері бойынша, зардап шеккендердің 90%-дан астамы кене энцефалитіне қарсы шұғыл профилактиканы уақтылы алды. Аумақтарды кенеге қарсы өңдеу, қауіп тобындағыларды вакцинациялау жалғасуда, сондай-ақ иммуноглобулиннің қажетті қоры қалыптастырылды. Тұрақты санитарлық-эпидемиологиялық мониторинг жүргізілуде.

Қазақстан Республикасының Бас мемлекеттік санитарлық дәрігері Сархат Бейсенова атап өтті: «Жазғы кезең дәстүрлі түрде табиғи ошақты инфекциялар қаупінің артуымен қатар жүреді. Сондықтан Денсаулық сақтау министрлігі алдын ала кешенді профилактикалық іс-шаралар жүргізуде. Біз эпидемиологиялық мониторингті күшейттік, медициналық ұйымдарды иммуноглобулиннің қажетті қорымен қамтамасыз еттік, қауіп тобындағы адамдарды вакцинациялауды және эндемиялық аймақтарда кенеге қарсы өңдеуді жалғастырудамыз».

Кене энцефалиті – бұл негізінен аурудың табиғи ошақтары бар аумақтарда тіркелетін табиғи ошақты инфекция. Қазақстанда мұндай аймақтарға мыналар жатады:

• Алматы және оның айналасы
• Алматы облысы
• Шығыс Қазақстан облысы
• Жетісу облысы
• Абай облысының Көкпекті ауданы
• Ақмола облысының Сандықтау ауданы
• Солтүстік Қазақстан облысының Айыртау ауданы

Жыл сайын елімізде 24-тен 48-ге дейін кене энцефалиті жағдайы тіркеледі. Ағымдағы жылы 24 жағдай зертханалық жолмен расталды, бұл орташа көпжылдық маусымдық көрсеткіштерге сәйкес келеді.